歌手胡鸿钧近日同罗天宇等人赶拍无綫剧集《十月初五的月光》，喺剧集饰演“初哥哥”嘅胡鸿钧同演“司徒礼信”嘅罗天宇老友鬼鬼，等埋位嗰阵一同合拍短片，震惊网友眼球！事缘罗天宇想扔垃圾，将个唔要嘅水樽扔畀胡鸿钧，随即胡鸿钧执起水樽，望都冇望个垃圾桶喺边，一下就成功离远将个水樽扔落垃圾桶，令罗天宇觉得好惊讶！
系咪造假？
胡鸿钧忍唔住赞自己：“最近我是垃圾专员，要执垃圾可以找我！”虽然厉害，但唔少网友质疑佢系咪造假，纷纷留言：“系咪有人喺另外一面扔个樽？”歌手连诗雅睇到都忍唔住加入战团话：“剪接技术咁劲嘅？”但亦有网友留言赞佢，指佢打开篮球，果然技术强劲：“打咁多年篮球果然冇白费！”
预览时标签不可点收录于话题#个上一篇下一篇